Divinun Officium in Festo Sanctae Rosae a Santa Maria. AD SECUNDAS VESPERAS (iusta Pasalterium Pianum)

V. Deus ☩ in adiutorium meum intende. R. Domine, ad adiuvandum me festina. V. Gloria Patri, et Filio, * et Spiritui Sancto.

R. Sicut erat in principio, et nunc, et semper, * et in sæcula sæculorum. Amen. Alleluia.

Ant. 1. Mirabilis in altis Dominus, ut sponsam suam mirificaret, decorem indutus est, præcingens se virtute. Psalmus CIX

Dixit Dominus Domino meo: Sede a dextris meis, * donec ponam inimicos tuos scabellum pedum tuorum. Sceptrum potentiæ tuæ protendet Dominus ex Sion: * dominare in medio inimicorum tuorum! Tecum principatus die ortus tui in splendore sanctitatis: * ante luciferum, tamquam rorem, genui te. Iuravit Dominus et non pœnitebit eum; * tu es sacerdos in æternum secundum ordinem Melchisedech. Dominus a dextris tuis: * conteret die iræ suæ reges. Iudicabit nationes, acervabit cadavera; * conteret capita late per terram. De torrente in via bibet, * propterea extollet caput. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. 1. Mirabilis in altis Dominus, ut sponsam suam mirificaret, decorem indutus est, præcingens se virtute. Ant. 2. In lætitia et exsultatione serviens Deo, beata Rosa introivit in atria eius. Psalmus CXII Laudate, servi Domini, * laudate nomen Domini. Sit nomen Domini benedictum * et nunc et usque in æternum. A solis ortu usque ad occasum eius * laudetur nomen Domini. Excelsus super omnes gentes Dominus, * super cœlos gloria eius. Quis sicut Dominus, Deus noster, qui sedet in alto * et oculos demittit in cœlum et in terram? Sublevat e pulvere inopem, * e stercore erigit pauperem, Ut collocet eum cum principibus, * cum principibus populi sui. Habitare facit eam, quae sterilis erat in domo, * matrem filiorum lætantem. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. 2. In lætitia et exsultatione serviens Deo, beata Rosa introivit in atria eius. Ant. 3. Exsultavit Rosa in velamento alarum tuarum , quia suscepit eam dextera tua. Psalmus CXXI Lætatus sum, quia dixerunt mihi: * in domum Domini ibimus. Iam consistunt pedes nostri * in portis tuis, Ierusalem. Ierusalem quæ aedificata est ut civitas, * in se compacta tota. Illuc ascendunt tribus, tribus Domini, * secundum legem Israël, ad celebrandum nomen Domini. Illic positæ sunt sedes iudicii, * sedes domus David. Rogate quæ ad pacem sunt Ierusalem! * securi sint qui diligunt te! Sit pax in mœnibus tuis, * securitas in palatiis tuis! Propter fratres meos et sodales meos * loquar: Pax in te! Propter domum Domini, Dei nostri, * precabor bona tibi. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. 3. Exsultavit Rosa in velamento alarum tuarum , quia suscepit eam dextera tua. Ant. 4. Benedicat omnis imber et ros Domino, qui Rosam beenedictione irrigavit de superioribus suis.

Psalmus CXXVI

Nisi Dominus ædificaverit domum, * in vanum laborant qui ædificant eam. Nisi Dominus custodierit civitatem, * in vanum vigilat custos. Vanum est vobis surgere ante lucem, * sedere in multam noctem, Qui manducatis panem duri laboris: * quoniam largitur dilectis suis in somno. Ecce donum Domini sunt filii, * merces est fructus ventris. Sicut sagittæ in manu bellatoris, * ita filii iuventutis. Beatus vir qui eis implevit pharetram suam: * non confundentur, cum contenderint cum inimicis in porta. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. 4. Benedicat omnis imber et ros Domino, qui Rosam beenedictione irrigavit de superioribus suis. Ant. 5. Laudent nomen Domini aquæ omnes quæ super cœlos sunt, ubi Rosa vernat plantata iuxta rivos aquarum.

Psalmus CXLVII.

Lauda, Ierusalem, Dominum, * lauda Deum tuum, Sion, Quod firmavit seras portarum tuarum, * benedixit filiis tuis in te. Composuit fines tuos in pace, * medulla tritici satiat te. Emittit eloquium suum in terram, * velociter currit verbum eius. Dat nivem sicut lanam, * pruinam sicut cinerem spargit. Proicit glaciem suam ut frustula panis; * coram frigore eius aquæ rigescunt. Emittit verbum suum et liquefacit eas; * flare iubet ventum suum et fluunt aquæ. Annuntiavit verbum suum Iacob, * statuta et præcepta sua Israel. Non fecit ita ulli nationi: * præcepta sua non manifestavit eis. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. 5. Laudent nomen Domini aquæ omnes quæ super cœlos sunt, ubi Rosa vernat plantata iuxta rivos aquarum.

Capitulum (Sap. VIII)

Hanc amavi, et exquisivi a iuventute mea, et quæsivi sponsam mihi eam assumere, et amator factus sum formæ illius, ait Dominus omnipotens. R. Deo gratias. Hymnus

Telluris omnes incolæ

Rosæ plaudant solemniis,

Eiusque laudes concinant

A solis ortu ad Hesperam.

Hæc a parentis ubere

Præventa donis gratiæ,

Deoque plena, vindicem

Armavit in se dexteram.

Miris modis innoxios

Afflixit artus, spineis

Cinxit corollis verticem,

Cibosque felle polluit.

Nunc læta pœnitentiæ

Largo potitur præmio,

Novumque psallit canticum,

Agni sequens vestigia.

Horum Datori munerum

Sit laus decusque perpetim:

Qui trinus unus omnis

Regit Deus per sæcula. Amen. V. Ora pro nobis, beata Rosa.

R. Ut digni efficiamur promissionibus Christi.

Canticum Magnificat (Luc. II, 68-79) Ant. Tu gloria Ierusalem, tu lætitia Israël, tu honorificentia populi nostri: ô Rosa fecisti viriliter, et confortatus est cor tuum.

Magnificat ☩ * anima mea Dominum. Et exsultavit spiritus meus: * in Deo, salvatore meo. Quia respexit humilitatem ancillæ suæ: * ecce enim ex hoc beatam me dicent omnes generationes. Quia fecit mihi magna, qui potens est: * et sanctum nomen eius. Et misericordia eius, a progenie in progenies: * timentibus eum. Fecit potentiam in bracchio suo: * dispersit superbos mente cordis sui. Deposuit potentes de sede: * et exaltavit húmiles. Esurientes implevit bonis: * et divites dimisit inanes. Suscepit Israël servum suum: * recordatus misericordiæ suæ. Sicut locutus est ad patres nostros: * erga Abraham, et semen eius in sæcula. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. Tu gloria Ierusalem, tu lætitia Israël, tu honorificentia populi nostri: ô Rosa fecisti viriliter, et confortatus est cor tuum.

V. Dominus vobiscum.

R. Et cum spiritu tuo.

Vel :

V. Domine, exaudi orationem meam.

R. Et clamor meus ad te veniat.

Oremus. Bonorum omnium largitor, omnipotens Deus, qui beatam Rosam, cœlestis gratiæ rore præventam, virginitatis et patientiæ decore Indis florescere voluisti: da nobis famulis tuis ; ut in odorem suavitatis eius currentes, Christi bonus odor effici mereamur. Qui tecum vivit et regnat in unitate Spiritus Sancti, Deus, per omnia saecula saeculorum. R. Amen.

V. Dominus vobiscum.

R. Et cum spiritu tuo.

Vel :

V. Domine, exaudi orationem meam.

R. Et clamor meus ad te veniat.

V. Benedicamus Domino.

R. Deo gratias.

V. Fidelium animæ per misericordiam Dei requiescant in pace. R. Amen.