Divinun Officium in Festo Sanctae Rosae a Sancta Maria. AD PRIMAM (iuxta Psalterium Pianum)
De Enciclopedia Católica
(Officium chori)
V. Deus ☩ in adiutorium meum intende.
R. Domine, ad adiuvandum me festina.
V. Gloria Patri, et Filio, * et Spiritui Sancto.
R. Sicut erat in principio, et nunc, et semper, * et in sæcula sæculorum. Amen. Alleluia.
Hymnus
Iam lucis orto sidere,
Deum precemur supplices,
Ut in diurnis actibus
Nos servet a nocentibus.
Linguam refrenans temperet,
Ne litis horror insonet:
Visum fovendo contegat,
Ne vanitates hauriat.
Sint pura cordis intima,
Absistat et vecordia;
Carnis terat superbiam
Potus cibique parcitas.
Ut, cum dies abscesserit,
Noctemque sors reduxerit,
Mundi per abstinentiam
Ipsi canamus gloriam.
Deo Patri sit gloria,
Eiusque soli Filio,
Cum Spiritu Paraclito,
Nunc et per omne sæculum. Amen.
Ant. Mirabilis in altis Dominus, ut sponsam suam mirificaret, decorem indutus est, præcingens se virtute.
Psalmus LIII
Deus, in nomine tuo salvum me fac, * et virtute tua age causam meam. Deus, audi orationem meam; * auribus percipe verba oris mei. Nam superbi insurrexerunt contra me, et violenti quæsierunt vitam meam; * non proposuerunt Deum ante oculos suos. Ecce, Deus, audivat me, * Dominus sustentat vitam meam. Retorque malum in adversarios meos, * et pro fidelitate tua destrue illos. Voluntarie sacrificabo tibi, * celebrabo nomen tuum, Domine, quia bonum est. Nam ex omni tribulatione eripuit me, * et inimicos meos confusos vidit oculus meus. Gloria Patri, et Filio, * et Spiritui Sancto. Sicut erat in princípio, et nunc, et semper, * et in sæcula sæculorum. Amen.
Psalmus CXVIII [1]
Beati quorum immaculata est via, * qui ambulant in lege Domini. Beati qui observant præscripta eius, * toto corde quærunt eum, Qui non faciunt iniquitatem, * sed ambulant in viis eius. Tu dedisti præcepta tua, * ut custodiantur valde. Vtinam firmae sint viae meae * ad custodienda statuta tua! Tunc non confundar, * cum intendero ad omnia mandata tua. Celebrabo te in rectitudine cordis, * cum didicero decreta iustitiæ tuæ. Statuta tua custodiam: * ne dereliqueris me omnino. Quomodo puram servabit adulescens viam suam?: * custodiendo verba tua. Toto corde meo quaero te; * ne siveris me aberrare a mandatis tuis. In corde meo recondo eloquium tuum, * ne peccem contra te. Benedictus es, Domine; * doce me statuta tua. Labiis meis enarro * omnia decreta oris tui. De via præscriptorum tuorum lætor, * sicut de omnibus divitiis. De præceptis tuis meditabor, * et considerabo vias tuas. Statutis tuis delectabor: * non obliviscar verba tua. Gloria Patri, et Filio, * et Spiritui Sancto. Sicut erat in princípio, et nunc, et semper, * et in sæcula sæculorum. Amen.
Psalmus CXVIII [2]
Bene fac servo tuo, ut vivam * et custodiam verba tua. Aperi oculos meos, * ut considerem mirabilia legis tuae. Hospes ego sum in terra, * noli a me abscondere mandata tua. Deficit anima mea, * desiderans decreta tua omni tempore. Increpasti superbos; * maledicti qui declinant a mandatis tuis. Aufer a me opprobrium et contemptum, * quia præscripta tua observo. Etsi considunt principes et contra me loquuntur, * servus tuus meditatur de statutis tuis. Nam praescripta tua sunt deliciae meae, * consiliarii mei statuta tua. Prostrata est in pulvere anima mea: * redde mihi vitam secundum verbum tuum. Vias meas exposui et exaudisti me: * doce me statua tua. Via praeceptorum tuorum institue me, * et meditabor mirabilia tua. Stillat lacrimas anima mea ex maerore: * erige me secundum verbum tuum. A via erroris arce me, * et legem tuam largire mihi. Viam veritatis elegi, * decreta tua proposui mihi. Adhæreo præscriptis tuis: * Domine, noli me confundere. Viam mandatorum tuorum curram, * cum dilataveris cor meum. Gloria Patri, et Filio, * et Spiritui Sancto. Sicut erat in princípio, et nunc, et semper, * et in sæcula sæculorum. Amen. Ant. Mirabilis in altis Dominus, ut sponsam suam mirificaret, decorem indutus est, præcingens se virtute.
Capitulum (I Tim. I: 17)
Regi sæculorum immortali et invisibili, soli Deo honor et gloria in sæcula sæculorum. Amen. R. Deo gratias.
R.br. Christe, Fili Dei vivi, * miserere nobis.
R. Christe, Fili Dei vivi, * miserere nobis.
V. Qui desponsasti Rosam.
R. Miserere nobis.
V. Gloria Patri, et Filio, * et Spiritui Sancto.
R. Christe, Fili Dei vivi, * miserere nobis.
V. Exsurge, Christe, adiuva nos.
R. Et libera nos propter nomen tuum.
V. Dominus vobiscum.
R. Et cum spiritu tuo.
Vel :
V. Domine, exaudi orationem meam. R. Et clamor meus ad te veniat.
Oremus. Domine Deus omnipotens, qui ad principium huius diei nos pervenire fecisti: tua nos hodie salva virtute; ut in hac die ad nullum declinemus peccatum, sed semper ad tuam iustitiam faciendam nostra procedant eloquia, dirigantur cogitationes et opera. Per Dominum nostrum Iesum Christum, Filium tuum: qui tecum vivit et regnat in unitate Spiritus Sancti, Deus, per omnia sæcula sæculorum. R. Amen.
V. Dominus vobiscum.
R. Et cum spiritu tuo.
Vel :
V. Domine, exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
(Officium capituli)
Martyrologium (anticipatum)
Pridie Kalendas Septembris. Luna tertia. Anno salutis bismillesimo vicesimo secundo.
Sancti Raymundi Nonnati, ex Ordine beatæ Mariæ de Mercede redemptionis captivorum, cardinalis et confessoris; cuius dies natalis septimo Kalendas Septembris recolitur. Apud montem Senarium in Etruria, natalis sancti Bonaiunctæ, confessoris, e septem fundatoribus Ordinis Servorum beatæ Mariæ Virginis; qui, de Passione Dominica ad fratres verba faciens, in manus Domini tradidit spiritum. Ipsius autem ac sociorum festum pridie Idus Februarii celebratur. Treviris, item natális sancti Paulini, episcopi, qui, tempore arianæ infestationis, ab ariano imperatore Constantio ob catholicam fidem relegatus exsilio, et extra christianum nomen usque ad mortem mutando exsilia fatigatus, tandem, apud Phrygiam defunctus, beatæ passionis coronam percepit a Domino. Transaquis, ad lacum Fucinum in Marsis, natalis quoque sanctorum martyrum Cæsidii presbyteri, et sociorum; qui martyrio coronati sunt in persecutione Maximini. Item sanctórum martyrum Robustiani et Marci. Cæsareæ in Cappadócia, sanctorum Theodoti, Rufinæ et Ammiæ; quorum duo primi parentes fuerunt sancti Mamantis, martyris, quem Rufína in carcere peperit, et Ammia educavit. Antisiodori, sancti Optati, episcopi et confessoris. In Anglia, sancti Aidani, episcopi Lindisfarnensis; cuius animam, cum sanctus Cuthbertus, cuius memoria tertiodecimo Kalendas Aprilis colitur, tunc ovium pastor, in cælum ferri vidisset, relictis ovibus, factus est monachus. Apud Nuscum, sancti Amati, episcopi. Athenis, sancti Aristidis, fide et sapientia clarissimi, qui Hadriano principi egregium de religione Christiana volumen obtulit, nostri dogmatis continens rationem; et quod Christus Iesus solus esset Deus, præsente ipso imperatore, luculentissime peroravit. V. Et alibi aliorum plurimorum sanctorum martyrum et confessorum, atque sanctarum vírginum. R. Deo gratias.
V. Pretiosa in conspectu Domini. R. Mors Sanctorum eius.
Sancta Maria et omnes Sancti intercedant pro nobis ad Dominum, ut nos mereamur ab eo adiuvari et salvari, qui vivit et regnat in sæcula sæculorum. R. Amen.
V. Deus in adiutorium meum intende.
R. Domine, ad adiuvandum me festina.
V. Deus in adiutorium meum intende.
R. Domine, ad adiuvandum me festina.
V. Deus in adiutorium meum intende.
R. Domine, ad adiuvandum me festina.
V. Gloria Patri, et Filio, * et Spiritui Sancto.
R. Sicut erat in principio, et nunc, et semper, * et in sæcula sæculorum. Amen.
Kyrie, eleison.
Christe, eleison.
Kyrie, eleison.
Pater noster, qui es in cælis, sanctificetur nomen tuum: adveniat regnum tuum: fiat voluntas tua, sicut in cælo et in terra. Panem nostrum quotidianum da nobis hodie: et dimitte nobis debita nostra, sicut et nos dimittimus debitoribus nostris.
V. Et ne nos inducas in tentationem. R. Sed libera nos a malo. V. Respice in servos tuos, Domine, et in opera tua, et dirige filios eorum. R. Et sit splendor Domini Dei nostri super nos, et opera mánuum nostrarum dirige super nos, et opus manuum nostrarum dirige.
V. Gloria Patri, et Filio, * et Spiritui Sancto. R. Sicut erat in principio, et nunc, et semper, * et in sæcula sæculorum. Amen.
Oremus. Dirigere et sanctificare, regere et gubernare dignare, Domine Deus, Rex cæli et terræ, hodie corda et corpora nostra, sensus, sermones et actus nostros in lege tua, et in operibus mandatorum tuorum: ut hic et in æternum, te auxiliante, salvi et liberi esse mereamur, Salvator mundi: Qui vivis et regnas in sæcula sæculorum. R. Amen.
V. Iube, domne (vel Domine), benedicere.
Dies et actus nostros in sua pace disponat Dominus omnipotens. Amen.
Lectio brevis (Eccl. XXXIX)
Florete flores, quasi lilium, et date odorem, et frondete in gratiam: collaudate canticum, et bendicite Dominum in operibus suis.
Tu autem, Domine, miserere nobis. R. Deo gratias.
R. Deo gratias.
V. Adiutorium nostrum in nomine Domini.
R. Qui fecit cælum et terram.
V. Benedicite.
R. Deus.
Dominus nos benedicat, ☩ et ab omni malo defendat, et ad vitam perducat æternam. Et fidelium animæ per misericordiam Dei requiescant in pace. R. Amen.
