Divinun Officium in Festo Sanctae Rosae a Sancta Maria

DIVINUM OFFICIUM IN FESTO SANCTÆ ROSÆ A SANCTA MARIA

(I CLASSIS IN PERUVIA ET UBI CONCESSUM)

AD LAUDES (iuxta Psalterium Pianum)

V. Deus ☩ in adiutorium meum intende.

R. Domine, ad adiuvandum me festina.

V. Gloria Patri, et Filio, * et Spiritui Sancto.

R. Sicut erat in principio, et nunc, et semper, * et in sæcula sæculorum. Amen. Alleluia.

Ant. 1. Mirabilis in altis Dominus, ut sponsam suam mirificaret, decorem indutus est, præcingens se virtute.

Psalmus XCII

Dominus regnat, maiestatem indutus est, * indutus est Dominus potentiam, præcinxit se.

Et firmavit orbem terrarum, * qui non commovebitur.

Firma est sedes tua ab ævo, * ab æterno tu es.

Extollunt flumina, Domine, * extollunt flumina vocem suam.

Extollunt flumina fragorem suum, * potentior voce aquarum multarum.

Potentior æstibus maris: * potens in excelsis est Dominus.

Testimonia tua fide digna sunt valde; * Domum tuam decet sanctitas, Domine, in longitudinem dierum.

Gloria Patri, et Filio, * et Spiritui Sancto.

Sicut erat in principio, et nunc, et semper, * et in sæcula sæculorum. Amen.

Ant. 1. Mirabilis in altis Dominus, ut sponsam suam mirificaret, decorem indutus est, præcingens se virtute.

Ant. 2. In lætitia et exsultatione serviens Deo, beata Rosa introivit in atria eius. Psalmus IC

Exsultate Domino, omnes terræ; * servite Domino cum lætitia.

Introite in conspectum eius * cum exsultatione.

Scitote Dominum esse Deum: * ipse fecit nos et ipsius sumus,

Populus eius et oves pascuæ eius: * introite portas eius cum laude,

atria eius cum hymno; celebrate eum.

Benedicite nomini eius nam bonus est Dominus, in æternum misericordia eius, * et in generationem et generationem fidelitas eius.

Gloria Patri, et Filio, * et Spiritui Sancto.

Sicut erat in principio, et nunc, et semper, * et in sæcula sæculorum. Amen.

Ant. 2. In lætitia et exsultatione serviens Deo, beata Rosa introivit in atria eius.

Ant. 3. Exsultavit Rosa in velamento alarum tuarum , quia suscepit eam dextera tua. Psalmus LXII

Deus, Deus meus es: * sollicite te quæro.

Te sitit anima mea, * desiderat te caro mea.

Ut terra arida et sitiens, sine aqua : * sic in sanctuario contemplor t

ut videam potentiam tuam et gloriam tuam.

Quia melior est gratia tua quam vita, * labia mea prædicabunt te.

Sic benedicam tibi in vita mea: * in nomine tuo attollam manus meas.

Sicut adipe et pinguedine satiabitur anima mea, * et labiis exsultantibus laudabit os meum, Cum memor ero tui super stratum meum, * in vigiliis meditabor de te.

Etenim factus es adiutor meus, * et in umbra alarum tuarum exsulto.

Adhæret anima mea tibi, * me sustentat dextera tua.

Qui autem perdere quærunt animam meam, * introibunt in profunda terræ.

Tradentur in manus gladii, * portio vulpium erunt.

Rex vero lætabitur in Deo, gloriabitur omnis qui iurat per eum, * quia obstruetur os loquentium iniqua.

Gloria Patri, et Filio, * et Spiritui Sancto.

Sicut erat in principio, et nunc, et semper, * et in sæcula sæculorum. Amen.

Ant. 3. Exsultavit Rosa in velamento alarum tuarum , quia suscepit eam dextera tua. Ant. 4. Benedicat omnis imber et ros Domino, qui Rosam benedictione irrigavit de superioribus suis.

Canticum Trium puerorum (Dan III: 57-75, 56)

Benedicite, omnia opera Domini, Domino: * laudate et superexaltate eum in sæcula.

Benedicite, Angeli Domini, Domino: * benedicite, cæli, Domino.

Benedicite, aquæ omnes, quæ super cælos sunt, Domino: * benedicite, omnes virtutes Domini, Domino.

Benedicite, sol et luna, Domino: * benedicite, stellæ cæli, Domino.

Benedicite, omnis imber et ros, Domino: * benedicite, omnes spiritus Dei, Domino.

Benedicite, ignis et æstus, Domino: * benedicite, frigus et æstus, Domino.

Benedicite, rores et pluviæ, Domino: * benedicite, glacies et gelu, Domino.

Benedicite, pruinæ et nives, Domino: * benedicite, noctes et dies, Domino.

Benedicite, lux et tenebræ, Domino: * benedicite, fulgura et nubes, Domino.

Benedicat terra Domino: * laudet et superexaltet eum in sæcula.

Benedicite, montes et colles, Domino: * benedicite, universa germinantia in terra, Domino.

Benedicite, fontes, Domino: * benedicite, maria et flumina, Domino.

Benedicite, cete, et omnia, quæ moventur in aquis, Domino: * benedicite, omnes volucres cæli, Domino.

Benedicite, omnes bestiæ et pecora, Domino: * laudate et superexaltate eum in sæcula.

Benedicite, fílii hominum, Domino; * benedicite Israël Dominum.

Benedicite, sacerdotes Domini, Domino: * benedicite, servi Domini, Domino.

Benedicite, spiritus, et animæ iustorum, Domino: * benedicite, sancti, et humiles corde, Domino.

Benedicite, Anania, Azaria, Misaël, Domino: * laudate et superexaltate eum in sæcula. (Fit reveréntia:) Benedicamus Patrem et Filium cum Sancto Spiritu: * laudemus et superexaltemus eum in sæcula.

Benedictus es, Domine, in firmamento cæli: * et laudabilis et superexaltatus in sæcula. Ant. 4. Benedicat omnis imber et ros Domino, qui Rosam benedictione irrigavit de superioribus suis.

Ant. 5. Laudent nomen Domini aquæ omnes quæ super cœlos sunt, ubi Rosa vernat plantata iuxta rivos aquarum. Psalmus CXLVIII

Laudate Dominum de cælis, * laudate eum in excelsis.

Laudate eum, omnes Angeli eius, * laudate eum, omnes exercitus eius.

Laudate eum, sol et luna, * laudate eum, omnes stellae lucentes.

Laudate eum, cæli cælorum, * et aquæ quæ super cælos sunt.

Laudent nomen Domini, * nam ipse iussit et creata sunt,

Et statuit ea in æternum, in sæculum: * præceptum dedit, quod non transibit.

Laudate Dominum de terra, * cete et omnia profunda maris,

Ignis et grando, nix et nebula, * ventus procellæ, qui facit verbum eius.

Montes et omnes colles, * arbores frugiferæ et omnes cedri.

Feræ et omnia iumenta, * reptilia et volucres pennatae.

Reges terræ et omnes populi, * principes et omnes iudices terrae.

Iuvenes et etiam virgines, senes, una cum pueris laudent nomen Domini, * quia excelsum est nomen eius solius.

Maiestas eius superat terram et caelum * et altum tribuit cornu populo suo.

Laus est omnibus sanctis eius, * filiis Israel, populo qui propinquus est ei.

Gloria Patri, et Filio, * et Spiritui Sancto.

Sicut erat in principio, et nunc, et semper, * et in sæcula sæculorum. Amen.

Ant. 5. Laudent nomen Domini aquæ omnes quæ super cœlos sunt, ubi Rosa vernat plantata iuxta rivos aquarum.

Capitulum (Sap. VIII)

Hanc amavi, et exquisivi a iuventute mea, et quæsivi sponsam mihi eam assumere, et amator factus sum formæ illius, ait Dominus omnipotens. R. Deo gratias. Hymnus

Aurora cœlum purpurat,

Rosisque mane concolor

Laudes sacratæ virginis

Rosæ monet nos pangere.

Hanc ergo laudent Angeli

Et omnis ordo cælitum :

Laudent chori mortalium

Ubique gestis inclytam.

Hanc primam amoris victimam

Admovit aris India,

Orbis iuvamen præpotens,

Exemplar innocentiæ.

Dat cæcis luce perfrui,

Solvitque linguæ vincula,

Claudos iacentes erigit,

Morbis medetur omnibus.

Iugis tibi laus Trinitas

Reddatur omni tempore,

Et cum Rosa nos pertrahe

Ad nuptiale gaudium. Amen.

V. Adducentur regi virgines post eam.

R. Proximæ eius afferentur tibi. Canticum Benedictus (Luc. I: 68-79)

Ant. Ô Rosa odorifera, spargens ubique virtutum odorem, fac nos eius, qua fueris, lucis suavitatisque participes . Benedictus ☩ Dominus, Deus Israël: * quia visitavit, et fecit redemptionem plebis suæ. Et erexit cornu salutis nobis: * in domo David, pueri sui. Sicut locutus est per os sanctorum, * qui a sæculo sunt, prophetarum eius: Salutem ex inimicis nostris, * et de manu omnium, qui oderunt nos. Ad faciendam misericordiam cum patribus nostris: * et memorari testamenti sui sancti. Iusiurandum, quod iuravit ad Abraham patrem nostrum, * daturum se nobis: Ut sine timore, de manu inimicorum nostrorum liberati, * servimus illi. In sanctitate, et iustitia coram ipso, * omnibus diebus nostris. Et tu, puer, Propheta Altissimi vocaberis: * præibis enim ante faciem Domini, parare vias eius: Ad dandam scientiam salutis plebi eius: * in remissionem peccatorum eorum: Per viscera misericordiæ Dei nostri: * in quibus visitavit nos, oriens ex alto: Illuminare his, qui in tenebris, et in umbra mortis sedent: * ad dirigendos pedes nostros in viam pacis. Gloria Patri, et Filio, * et Spiritui Sancto. Sicut erat in principio, et nunc, et semper, * et in sæcula sæculorum. Amen. Ant. Ô Rosa odorifera, spargens ubique virtutum odorem, fac nos eius, qua fueris, lucis suavitatisque participes. V. Dominus vobiscum. R. Et cum spiritu tuo. Vel : V. Domine, exaudi orationem meam. R. Et clamor meus ad te veniat. Oremus. Bonorum omnium largitor, omnipotens Deus, qui beatam Rosam, cœlestis gratiæ rore præventam, virginitatis et patientiæ decore Indis florescere voluisti: da nobis famulis tuis; ut in odorem suavitatis eius currentes, Christi bonus odor effici mereamur. Qui tecum vivit et regnat in unitate Spiritus Sancti, Deus, per omnia saecula saeculorum. R. Amen. V. Dominus vobiscum. R. Et cum spiritu tuo. Vel : V. Domine, exaudi orationem meam. R. Et clamor meus ad te veniat. V. Benedicamus Domino. R. Deo gratias. V. Fidelium animæ per misericordiam Dei requiescant in pace. R. Amen.

Rodolfo Vargas Rubio