Diferencia entre revisiones de «Letanía para el tiempo de Adviento»

Revisión de 05:16 30 nov 2016

dicendae a dominica prima adventus usque ad Vigilia Nativitatis ad usum privatum tantum)

• Kyrie eleison.
• Christe eleison.
• Kyrie eleison.

• Christe, audi nos.
• Christe, exaudi nos.

• Pater de cælis Deus, miserere nobis.
• Fili redemptor mundi Deus, miserere nobis.
• Spiritus Sancte Deus, miserere nobis.
• Sancta Trinitas, unus Deus, miserere nobis.

• Verbum Patris, per quod facta sunt omnia, veni ad salvandum nos, Domine, Deus noster.
• Verbum caro factum, veni ad salvandum nos, Domine, Deus noster.
• Messia in lege promisse, veni ad salvandum nos, Domine, Deus noster.
• Mysticis praefigurate miraculis, veni ad salvandum nos, Domine, Deus noster.
• Oraculis praenuntiate Propheticis, veni ad salvandum nos, Domine, Deus noster.
• Ab Angelis annuntiate, veni ad salvandum nos, Domine, Deus noster.
• A Regibus concupite, veni ad salvandum nos, Domine, Deus noster.
• Cunctis gentibus desiderate, veni ad salvandum nos, Domine, Deus noster.
• A Patre in mundum misse, veni ad salvandum nos, Domine, Deus noster.
• De Spiritu Sancto concepte, veni ad salvandum nos, Domine, Deus noster.
• Sapientia de sede magnitudinis Dei emissa, veni ad salvandum nos, Domine, Deus noster.
• Desiderium collium aeternorum, veni ad salvandum nos, Domine, Deus noster.
• Ros in vellere Gedeonis, veni ad salvandum nos, Domine, Deus noster.
• Ignis Rubum inflammans, sed non comburens, veni ad salvandum nos, Domine, Deus noster.
• Scala Iacob, veni ad salvandum nos, Domine, Deus noster.
• Flos de radice Iesse, veni ad salvandum nos, Domine, Deus noster.
• Flos virgae Aaronis, veni ad salvandum nos, Domine, Deus noster.
• Flos apparens in terra nostra, veni ad salvandum nos, Domine, Deus noster.
• Odor agri cui benedixit Dominus, veni ad salvandum nos, Domine, Deus noster.
• Thymiama odoris suavissimi super altare aureum, veni ad salvandum nos, Domine, Deus noster.
• Nardus et Cinnamomum in horto concluso, veni ad salvandum nos, Domine, Deus noster.
• Signaculum super cor positum, veni ad salvandum nos, Domine, Deus noster.
• Lapis de monte sine manibus abscisse, veni ad salvandum nos, Domine, Deus noster.
• Aqua salutaris de cisterna Bethlehemitica, veni ad salvandum nos, Domine, Deus noster.
• Vinum novum in utre novo, veni ad salvandum nos, Domine, Deus noster.
• Aqua viva fluens cum impetu de Libano, veni ad salvandum nos, Domine, Deus noster.
• Lignum vitae in medio paradisi plantatum, veni ad salvandum nos, Domine, Deus noster.
• Fons in Paradiso scaturiens, veni ad salvandum nos, Domine, Deus noster.
• Aqua vitae in fonte signato, veni ad salvandum nos, Domine, Deus noster.
• Lucerna supra candelabrum mundissimum, veni ad salvandum nos, Domine, Deus noster.
• Stella Iacob, veni ad salvandum nos, Domine, Deus noster.
• Virga de Israël, veni ad salvandum nos, Domine, Deus noster.
• Sol amiciens mulierem, veni ad salvandum nos, Domine, Deus noster.
• Vir a muliere circumdate, veni ad salvandum nos, Domine, Deus noster.
• Veritas de terra orta, veni ad salvandum nos, Domine, Deus noster.
• Iustitia de caelo prospiciens, veni ad salvandum nos, Domine, Deus noster.
• Salvator per portam clausam ingresse, veni ad salvandum nos, Domine, Deus noster.
• Princeps in porta orientali sedens, veni ad salvandum nos, Domine, Deus noster.
• Semen mulieris caput serpentis conterens, veni ad salvandum nos, Domine, Deus noster.
• Semen Abrahae; in quo omnes Gentes benedicentur, veni ad salvandum nos, Domine, Deus noster.
• Salus et expectatio nostra, veni ad salvandum nos, Domine, Deus noster.
• Emmanuel noster, veni ad salvandum nos, Domine, Deus noster.

• Propitius esto, parce nobis, Domine.
• Propitius esto, exaudi nos, Domine.
• Propitius esto, libera nos, Domine.

• Ab omni malo, libera nos, Domine.
• Ab omni peccato, libera nos, Domine.
• A corde duro et perverso, libera nos, Domine.
• Ab omni mala consuetudine, libera nos, Domine.
• Ab omni inordinata passione, libera nos, Domine.
• Ab omni asperitate morum, libera nos, Domine.
• Ab omni malitia et nequitia, libera nos, Domine.
• A mala et aeterna morte, libera nos, Domine.

• Per aeternam praedestinationem tuam, libera nos, Domine.
• Per adventum tuum, libera nos, Domine.
• Per mysterium sanctae incarnationis tuae, libera nos, Domine.
• Per immaculatam conceptionem tuam, libera nos, Domine.
• Per fidem et obedientiam gloriosae Virginis, libera nos, Domine.
• Per virginalem fecunditatem matris tuae, libera nos, Domine.
• Per gratiae plenitudinem matri tuae communicatam, libera nos, Domine.
• In die Iudicii, libera nos, Domine.

• Peccatores, te rogamus audi nos.
• Ut a peccatis nostris salvos nos facere digneris, te rogamus audi nos.
• Ut omnes actiones nostras ad te dirigere digneris, te rogamus audi nos.
• Ut paratam tibi in nobis mansionem facere digneris, te rogamus audi nos.
• Ut omnem superbiae montem in nobis humiliare digneris, te rogamus audi nos.
• Ut omnem pusillanimitatis vallem tua gratia in nobis implere digneris, te rogamus audi nos.
• Ut nos in te semper exultare et glorificare concedas, te rogamus audi nos.
• Ut humilitatem nostram aspicere, et brachium tuae potentiae super nos extendere digneris, te rogamus audi nos.
• Ut nos egenos tuis bonis implere digneris, te rogamus audi nos.
• Ut nos regni tui cohaeredes efficias, te rogamus audi nos.
• Ut nos exaudire digneris, te rogamus audi nos.
• Fili Dei, te rogamus audi nos.

• Agnus Dei, qui tollis peccata mundi, parce nobis, Domine.
• Agnus Dei, qui tollis peccata mundi, exaudi nos, Domine.
• Agnus Dei, qui tollis peccata mundi, miserere nobis

• Christe, audi nos.
• Christe, exaudi nos.

• Kyrie eleison.
• Christe eleison.
• Kyrie eleison.

• Pater noster…
• V. Et ne nos inducas in tentationem.
• R. Sed libera nos a malo.
• V. Veni ad liberandum nos, Domine Deus virtutum,
• R. Ostende faciem tuam et salvi erimus.
• V. Memento nostri Domine in beneplacito populi tui,
• R. Visita nos in salutari tuo.
• V. Ostende nobis Domine misericordiam tuam,
• R. Et salutare tuum da nobis.
• V. Domine, exaudi orationem meam,
• R. Et clamor meus ad te veniat.
• (V. Dominus vobiscum.
• R. Et cum Spiritu tuo.)

• Oremus. Excita quaesumus, Domine, potentiam tuam, et veni, ut ab imminentibus peccatorum nostrorum periculis te mereamur protegente eripi, te liberante salvari.

Conscientias nostras quaesumus, Domine, visitando purifica, ut veniens Dominus noster Iesus Christus Filius tuus, paratam sibi in nobis inveniat mansionem.

Deus, qui nos in tantis periculis constitutos, pro humana scis fragilitate non posse subsistere, da nobis salutem mentis et corporis, ut ea, quae pro peccatis nostris patimur, te adiuvante, vincamus.

Omnipotens et mitissime Deus, respice propitius preces nostras, et libera corda nostra de malarum tentationibus cogitationum, ut Sancti Spiritus dignum fieri habitaculum mereamur.

Praesta, quaesumus omnipotens Deus, ut redemptionis nostrae sacra mysteria, et praesentis nobis vitae subsidia conferant, et aeternae beatitudinis praemia largiantur. Per eumdem Dominum nostrum Iesum Christum Filium tuum, qui tecum vivit et regnat in unitate Spiritus Sancti, Deus, per omnia saecula saeculorum. Amen.

V. Domine exaudi orationem meam. R. Et clamor meus ad te veniat. V. Benedicamus Domino. R. Deo gratias. V. Et fidelium animae per misericordiam Dei requiescant in pace. R. Amen.

Unigenitus Dei Filius nos bene (+)dicere et adiuvare dignetur. Amen.